शिरूर तालुक्यात विहीरीत पडलेल्या बिबट्यास जीवदान

शिरूर{ डेली न्यूज पोस्ट टीम 24}फाकटे, ता. शिरूर येथे विहिरीत पडलेल्या बिबट्यास सुखरूपपणे बाहेर काढून त्यास जीवदान देण्यात वनविभागास यश आले आहे.

फाकटे गाव मध्ये आज सकाळी ( बुधवार ३ डिसेंबर) रोजी पहाटे बिबट्या विहिरीमध्ये पडला होता. नवनाथ दत्तू शेलार हे शेतकरी मोटर चालू करायला गेले असता त्यांच्या निदर्शनास बिबटया विहिरीत पडल्याचे आढळून आले. त्यांनी तात्काळ सामाजिक कार्यकर्ते शंकर पिंगळे यांना फोनवरून माहिती दिली.शंकर पिंगळे यांनी वनपरिक्षेत्र अधिकारी निळकंठ गव्हाणे व वनरक्षक केसकर यांना फोन करून संबंधित घटनेची माहिती दिली. त्यानंतर तात्काळ रेस्क्यू टीम घटनास्थळी दाखल झाली व विहिरीत पडलेल्या बिबट्या तात्काळ रेस्क्यू करून माणिक डोह येथे पाठवून देण्यात आला.अशी माहिती वनपरीक्षेत्र अधिकारी निळकंठ गव्हाणे यांनी दिली.

तालुक्यातील बेट भागातील, पिंपरखेड, टाकळी हाजी जाबूत, फाकटे यासह परिसरातील गावात बिबट्याच्या मागील काही वर्षापासुन वावर वाढलेल्या आहे. बिबटया व मानव संघर्षात अनेकांना आपले प्राण गमावावे लागले असून पशुधनाचे नुकसान झालेले आहे.

शिरूर तालुक्यातील बिबट्याच्या वावर अद्याप ही कायम असून बिबटयाना जे्रबंद करण्यासाठी पिंज-यांची संख्या वाढविण्यात आली आहे.असे असले तरी बिबटयाचे दर्शन नागरिकांना अधुन मधून होत आहे. रांजणगाव औद्योगिक वसाहतीतील एलजी व फियाट कंपनीच्या आवारातही बिबट्याची दर्शन झाले आहे.