पुणे अहिल्यानगर महामार्गा वरील अपघातात युवकांचा मृत्यू

शिरूर :{ डेली न्यूज पोस्ट टीम 24}शिरूर शहरा बाहेरून जाणा-या पुणे अहिल्यानगर बायपास रस्त्यावर दुचाकीस ट्रॅव्हल्स ने दिलेल्या धडकेत संकेत संतोष गांधी वय 31 वर्ष रा. हुडको कॉलनी, शिरूर, ता. शिरूर,जि. पुणे या युवकाचा मृत्यू झाला.याबाबत पोलिसांनी दिलेल्या माहिती नुसार अपघाता संदर्भात किरण संतोष गांधी रा. हुडको कॉलनी, शिरूर, ता. शिरूर, जि.पुणे यांनी अज्ञात आरोपीच्या विरोधात फिर्याद दिली आहे.

हा अपघात चार डिसेंबर २०२५ रोजी रात्री साडे अकराच्या सुमारास शिरूर गावचे हद्दीत, बायपास रस्त्यावर हॉटेल संग्राम समोर, पुणे अहिल्यानगर रोड वर झाला.

 संकेत संतोष गांधी वय 31 हे त्याचे सासरे प्रमोद याना सोडण्यासाठी महागणपती ट्रॅव्हल्स शिरूर बायपास येथे त्याची इलेक्टरीक मोटार सायकल नंबर एम. एच. १२ व्ही. जी २८२७ वरून हॉटेल संग्राम समोर पुणे अहिल्यानगर रोड ने जात असताना पाठीमागून अज्ञात ट्रॅव्हल्स ने धडक दिली.अपघातात संकेत संतोष गांधी हे मरण पावले.यासंदर्भात पोलीस निरीक्षक पोलीस निरीक्षक संदेश केंजळे यांच्या मार्गदर्शनाखाली पोलीस हवालदार कोथळकर करत आहे.

संकेत गांधी हे ग्राहक पंचायतीचे दिवगंत नेते संतोष बापू गांधी यांचे चिरंजीव असून काही वर्षांपूर्वी गांधी यांचे अकस्मात निधन झाले होते.

संकेत गांधी यांच्या मागे पत्नी, आई,एक मुलगा, एक बंधू व चुलते व्यवसायिक अशोक गांधी असा परिवार आहे.संकेत गांधी यांच्यावर शोकाकुल वातावारणात अंत्यसंस्कार करण्यात आले