राष्ट्रमाता राजमाता जिजाऊ साहेब जयंती सोहळ्याचे आयोजन

शिरूर {डेली न्यूज पोस्ट टीम 24}अखिल भारतीय मराठा महासंघ, शिरूर तालुका यांच्या वतीने राष्ट्रमाता राजमाता जिजाऊ साहेब यांची जयंती उत्साहात साजरी करण्यात येणार आहे. हा जयंती सोहळा सोमवार, दि. १२ जानेवारी २०२६ रोजी सायंकाळी ५.३० वाजता आयोजित करण्यात आला असल्याचे अखिल भारतीय मराठा महासंघाचे तालुकाध्यक्ष शामकांत वर्पे यांनी सांगितले.

या कार्यक्रमास शिवशंभू व्याख्याते राकेश पिंजण सर प्रमुख वक्ते म्हणून उपस्थित राहणार असून “जिजाऊ तुम्ही होतात म्हणून” या विषयावर ते मार्गदर्शन करणार आहेत. कार्यक्रमास महाराष्ट्र लोकसेवा आयोगाचे माजी अध्यक्ष किशोरराजे निंबाळकर उद्योजक प्रकाश धारिवाल आमदार माऊली कटके, माजी आमदार अशोक पवार, जिल्हा परिषदेचे माजी सदस्य राहुल बाबुराव पाचर्णे, पोलीस उपविभागीय अधिकारी प्रशांत ढोले,तहसीलदार बाळासाहेब म्हस्के, अखिल भारतीय मराठा महासंघाचे राज्य पदाधिकारी गुलाब दादा गायकवाड,पोलीस निरीक्षक संदेश केंजळे, मुख्याधिकारी प्रीतम पाटील व नगराध्यक्ष ऐश्वर्या अभिजीत पाचर्णे उपस्थित राहणार आहेत.

या प्रसंगी समाजकार्य, प्रशासन व सार्वजनिक जीवनातील योगदानाबद्दल विशेष पुरस्कार प्रदान करण्यात येणार आहेत. तसेच आदर्श माता पुरस्कार, आदर्श समाजसेविका पुरस्कार व आदर्श शिक्षिका पुरस्कार देऊन सन्मान करण्यात येणार आहे. पुरस्कार्थी मध्ये नगराध्यक्ष ऐश्वर्या पाचर्णे, शांताबाई शिंदे शोभाताई गायकवाड सामाजिक कार्यकर्त्या उषा वाखारे शिक्षिका साधना शितोळे राणीताई कर्डिले आदींचा समावेश आहे. अखिल भारतीय मराठा महासंघ, शिरूर तालुका यांनी नागरिकांना मोठ्या संख्येने उपस्थित राहण्याचे आवाहन केले आहे.