हेलिंग लाईव्ह यांच्या मॅरेथॉन स्पर्धेत २ हजार हून अधिक विद्यार्थ्यांच्या सहभाग

शिरूर{ डेली न्यूज पोस्ट टीम 24}देशाला प्रगतीपथावर नेण्यासाठी व सुपर पॉवर बनविण्यासाठी आपल्या ध्येयाकडे निरंतन वाटचाल करा. असे आवाहन कारगिल युद्धात अतुलनीय पराक्रम गाजवल्याबद्दल परमवीर चक्र पुरस्काराने सन्मानित झालेले सुभेदार मेजर योगेंद्रसिंह यादव यांनी केले.

     महिला सक्षमीकरण, आरोग्य जागरूकता आणि सकारात्मक सामाजिक परिवर्तनाचा संदेश देणारी ‘रन फॉर हर’ मॅरेथॉन मध्ये आज हजारो विदयार्थी आणि विद्यार्थिनी व नागरिक यांनी भाग घेतला.

 हेलिंग लाईव्हस यांच्या वतीने आयोजित करण्यात येत असलेल्या मॅरेथॉन स्पर्धेचे यंदा हे तिसरे वर्ष आहे. राजमुद्रा चौक येथून या मॅरेथॉनला सुरुवात झाली. परमवीर चक्र प्राप्त सुभेदार मेजर योगेंद्रसिंह यादव व अर्जुन पुरस्कार प्राप्त धावपटू ललिता बाबर यांनी झेंडा दाखविल्या वर मॅरेथॉनला सुरुवात झाली. हिलिंग लाईव्हस संस्थेच्या प्रमुख जानी दीदी, पोलीस निरीक्षक महादेव वाघमोडे, संतोष सांबारे आदी यावेळी उपस्थित होते.

यादव म्हणाले की कोणत्याही परिस्थितीत थांबू नका. जे ध्येय निवडले आहे त्याकडे वाटचाल करत राहा. संयमाने धैर्याने चालत राहा,धावत राहा.

   अर्जुन पुरस्कार प्राप्त ललिता बाबर म्हणाल्या की ग्रामीण भागातील युवा खेळाडूंना पिढीला हीलिंग लाईव्हस ने मॅरेथॉन स्पर्धेच्या माध्यमातून चांगला प्लॅटफॉर्म मिळवून दिला आहे. अनेक मुलीची करियर संदर्भात स्वप्ने असतात.या मॅरेथॉन स्पर्धेमधून भविष्यातील राष्ट्रीय, आंतरराष्ट्रीय खेळाडू घडतील असा विश्वास त्यांनी व्यक्त केला.

 त्याचबरोबर आरोग्याकडे लक्ष ठेवावे असे आवाहनही केले.या उपक्रमाला वरद फाउंडेशन व सुजय पाचंगे यांचे सहकार्य लाभले होते.

सर्व वयोगटांतील सहभागींसाठी ही मॅरेथॉन २.५ किलोमीटर व ५ किलोमीटर अशा दोन अंतरांमध्ये आयोजित करण्यात आली. नवोदित धावपटू, महिला, युवक विद्यार्थी यांनी या मॅरेथॉन मध्ये सहभाग घेतला.

  संतोष सांबारे यांनी सांगितले की हेलिंग लाईव्हसच्या संस्थापिका डॉ. जानी विश्वनाथ यांच्या संकल्पनेतून व मार्गदर्शनाखाली आयोजित करण्यात येत आहे. महिलांना आत्मसन्मान, आरोग्य आणि समान संधींच्या दिशेने सक्षम करणे हे या उपक्रमामागील प्रमुख ध्येय असून ‘रन फॉर हर’ ही केवळ धावण्याची शर्यत नसून, महिलांच्या ताकदीचा, जिद्दीचा आणि आत्मविश्वासाचा उत्सव आहे.

 स्वागत जानी दीदी यांनी केले. सूत्रसंचालन डॉ. निकिता तळेकर यांनी केले. मॅरेथॉन स्पर्धा मध्ये शिरूर सह परिसरातील विविध शाळांतील विद्यार्थी विद्यार्थिनी सहभागी झाले होते.