महाराष्ट्र

मराठी शाळा व मातृभाषेतील शिक्षणासाठी तेजस्विनी फाउंडेशनचा अनोखा उपक्रम

शिरूर { डेली न्यूज पोस्ट टीम 24}माझी मराठी शाळा व मातृभाषेतून शिक्षण याबाबत जनजागृती करण्याच्या उद्देशाने तेजस्विनी फाउंडेशनच्या वतीने एक अनोखा उपक्रम राबविण्यात आला. घरातील महिलांचे प्रबोधन म्हणजे संपूर्ण कुटुंबाचे प्रबोधन ही संकल्पना लक्षात घेऊन सर्व महिलांसाठी शिरूर क्रांतीज्योती विद्यालय, या चित्रपटाच्या विशेष शो चे आयोजन करण्यात आले होते.


यावेळी ‘मराठी माध्यम शाळा’ या विषयावरील चित्रपटाद्वारे मराठी शाळांचे महत्त्व प्रभावीपणे मांडण्यात आले. मराठी माध्यमातूनच अनेक दर्जेदार, गुणवंत विद्यार्थी घडले असून मराठी शाळा वाचवण्यासाठी सुरू असलेली धडपड या चित्रपटातून सर्वांच्या मनाला स्पर्शून गेली. मातृभाषेतून शिक्षणाचे महत्त्व अधोरेखित करत उपस्थित महिलांमध्ये सकारात्मक विचारांची जाणीव निर्माण झाली.
या उपक्रमानंतर उपस्थित सर्व महिलांनी आपली मुले मराठी माध्यमाच्या शाळेतच घालण्याचा निश्चय व्यक्त केला तसेच तशी सामूहिक शपथही घेतली.
या कार्यक्रमास तेजस्विनी फाउंडेशनच्या अध्यक्षा वैशाली चव्हाण, सचिव सुमन भोगावडे, उपाध्यक्षा उषा जाधव, कुमुदिनी बोऱ्हाडे, आधार छाया फाउंडेशनच्या अध्यक्षा सविता बोरुडे, सदस्य प्रीती बनसोडे यांच्यासह तेजस्विनी फाउंडेशनच्या सर्व सदस्य व माता–पालक मोठ्या संख्येने उपस्थित होते.
मराठी शाळा टिकवण्यासाठी आणि मातृभाषेतील शिक्षणाचा पाया अधिक भक्कम करण्यासाठी हा उपक्रम प्रेरणादायी ठरल्याची भावना उपस्थितांनी व्यक्त केली.

Related Articles

Leave a Reply

Your email address will not be published. Required fields are marked *

Back to top button