राष्ट्रीयविशेष
छत्रपती संभाजी महाराज राज्यस्तरीय आंतरमहाविद्यालयीन वाद-विवाद, वक्तृत्व स्पर्धा व उस्फुर्त वक्तृत्व स्पर्धेतील वादविवाद स्पर्धेत ‘पहाडे विधी महाविद्यालय, छत्रपती संभाजीनगर’ यांनी तर वक्तृत्व स्पर्धेत कनिष्ठ महाविद्यालय गटामध्ये ‘आर. एम. डी. विद्यानिकेतन कॉमर्स अँड सायन्स ज्युनिअर कॉलेज कोंढापुरी’ या संघानी मानाचा ‘छत्रपती संभाजी महाराज सांघिक फिरता सांघिक चषक पटकाविला .
शिरूर -{ डेली न्यूज पोस्ट टीम 24}छत्रपती संभाजी महाराज राज्यस्तरीय अंतरमहाविद्यालयीन वाद-विवाद, वक्तृत्व स्पर्धा व उस्फुर्त वक्तृत्व स्पर्धेतील वादविवाद स्पर्धेत ‘पहाडे विधी महाविद्यालय, छत्रपती संभाजीनगर’ यांनी तर वक्तृत्व स्पर्धेत कनिष्ठ महाविद्यालय गटामध्ये ‘आर. एम. डी. विद्यानिकेतन कॉमर्स अँड सायन्स ज्युनिअर कॉलेज कोंढापुरी’ या संघाने मानाचा ‘छत्रपती संभाजी महाराज सांघिक फिरता सांघिक चषक व स्मृतिचिन्ह प्राप्त केले.
येथील चांदमल ताराचंद बोरा महाविद्यालयात यांनी या स्पर्धेचे आयोजन केले होते महाराष्ट्रातून वाद-विवाद स्पर्धेमध्ये सहा संघ, वक्तृत्वस्पर्धेसाठी 36 विद्यार्थी व उत्स्फूर्तस्पर्धेसाठी 12 विद्यार्थी सहभागी झाले होते.
या स्पर्धेचा उद्घाटन प्रसंगी शिरूर शिक्षण प्रसारक मंडळाचे अध्यक्ष धर्मचंद फुलफगर तसेच संस्थेचे सचिव नंदकुमार निकम यांच्या उपस्थितीत होते . याप्रसंगी फुलफगर मनोगतामध्ये म्हणाले, “वादविवाद व वक्तृत्व स्पर्धेचे हे 39 वे वर्ष असून चाळीसाव्या वर्षी ही स्पर्धा अधिक मोठ्या स्वरूपात जास्तीत- जास्त स्पर्धकांच्या सहभागाने आयोजित करण्यात यावी. ही स्पर्धा विद्यार्थ्यांच्या व्यक्तिमत्त्वाला नवा आयाम देणारी व विद्यार्थ्यांमध्ये नेतृत्व गुण विकसित करणारी आहे असे प्रतिपादन त्यांनी केले .
तसेच शिरूर शिक्षण प्रसारक मंडळाचे सचिव नंदकुमार निकम याप्रसंगी बोलताना म्हणाले की, “कथाकथन स्पर्धेपासून सुरू झालेली ही स्पर्धा आज वाद-विवाद, वक्तृत्व व उस्फुर्त वक्तृत्व स्पर्धेपर्यंतचा यशस्वी प्रवास करत आहे. संपूर्ण महाराष्ट्रात छत्रपती संभाजी महाराज यांच्या नावे भरवली जाणारी ही एकमेव अशी वाद-विवाद व वक्तृत्व स्पर्धा आहे. छत्रपती संभाजी महाराजांच्या कार्यातून प्रेरणा मिळावी, तसेच आजची तरुणाई, त्यांची मते जाणून घेता यावी व आजचा तरुण समाजाकडे कसा पाहतो या उद्देशाने ही स्पर्धा गेल्या अनेक वर्षापासून अखंडपणे महाविद्यालयात घेतली जाते. असे ते म्हणाले.
शिवपुत्र संभाजी महाराज यांचा जीवन संघर्ष, साहित्य व ज्ञानाचे उपासक असणाऱ्या ज्वलनतेचे तेजस्वी छत्रपती संभाजीराजांचे कर्तुत्व त्यांचे साहित्यिक योगदान, या धुरंदर राज्यकर्त्याची यशस्वी गाथा ही त्यांनी या कार्यक्रमाप्रसंगी विशद केली.
