शिरुर दिनांक ( वार्ताहर ) इच्छापूर्ती साईबाबा पालखी सोहळ्यासाठी साईभक्त शांताराम ओहोळ यांनी पालखी रथाकरीता चारचाकी वाहन भेट म्हणून दिले आहे . शिरुर येथील पत्रकार अनिल सोनवणे व मित्र परीवाराने शिरुर ते शिर्डी इच्छापूर्ती साईबाबा पालखी सोहळ्या सुरु केला आहे . पालखी सोहळ्या गेल्या तीन वर्षापासून दीडशे ते दोनशे महिला पुरुष सहभागी होतात . इच्छापूर्ती साईबाबा पालखी सोहळ्यासाठी चार चाकी वाहनांचा रथ असावा अशी इच्छा या कार्यकर्त्यांनी व भाविकांनी व्यक्त केली होती. त्यासाठी चार चाकी वाहन पाहण्याचे काम कार्यकर्ते करत होते.पालखी रथ बनवण्यासाठी चारचाकी वाहन पाहत असताना पालखी सोहळ्यास पिंपरी कोलंदर , ता .श्रीगोंदा अहिल्यानगर येथील दानशूर शांताराम ओहोळ कुटुंबीयांनी चारचाकी वाहन भेट म्हणून दिले .
त्यानिमित्त श्री. इच्छापूर्ती साईबाबा पादुका पालखी सोहळा समिती शिरूर यांच्या वतीने शांताराम ओहोळ त्यांच्या पत्नी सौ.नंदा शांताराम ओहोळ, मुलगा अनिकेत शांताराम ओहोळ, सून श्रुतिका अनिकेत ओहोळ यांचा सत्कार करण्यात आला.
शांताराम वोव्हाळ त्यांचे चिरंजीव अनिकेत व संपूर्ण कुटुंबीय यांच्या हस्ते गाडीचे पूजन करण्यात आले व गाडी पालखी समितीला अर्पण केली.
यावेळी पालखी समितीच्या वतीने शांताराम वोव्हाळ व त्यांच्या कुटुंबीय यांचा साई प्रतिमा देऊन सन्मान करण्यात आला.
याप्रसंगी साई पालखी समितीचे संस्थापक अध्यक्ष अनिल सोनवणे, पत्रकार मुकुंद ढोबळे, संयोजक दादाभाऊ लोखंडे,अध्यक्ष स्वप्निल रणदिवे, रामभाऊ इंगळे, माजी उपाध्यक्ष सोनु काळुखे,कार्याध्यक्ष बंटी जोगदंड, उपाध्यक्ष तुषार भवाळ, संयोजक संदेश रासकर, ऋषी ससाने, रिया ऋषी ससाणे,बजरंग सेना अध्यक्ष उमेश शेळके,पालखी समितेचे आधार स्तंभ विकास पठारे,अजित (पप्पू)ठोंबरे,प्रकाश पठारे,अनिकेत वोव्हाळ,मोसीन तांबोळी (फिटर), संकेत पाडळे,प्रसन्न भोसले उपस्थित होते.
यावेळी प्रस्ताविक उमेश शेळके यांनी केले तर आभार स्वप्निल रणदिवे यांनी मानले.
