शिरूर  दिनांक( डेली न्यूज पोस्ट टीम -24) – शिरूर तालुक्यात  दोन वेगवेगळ्या अपघातांत एक महिला व एक ज्येष्ठ नागरिक ठार तर एक जखमी झाला.

पुणे-अहिल्यानगर महामार्गावरील खंडाळे माथा येथील मातोश्री हॉटेल समोर मोटारसायकलला अज्ञात वाहनाने दिलेल्या कटमुळे झालेल्या अपघातात मारुती लक्ष्मण ताम्हाणे (69, रा. खराडी, पुणे) यांचा मृत्यू झाला. मागील सीटवर बसलेले पोपट पर्वती ताम्हाणे (62) जखमी झाले असून त्यांच्या डाव्या हाताला फ्रॅक्चर झाले आहे. अपघातानंतर अज्ञात वाहनचालक पसार झाला. या प्रकरणी भा.न्या.सं. कलम 106(1), 281, 125(a)(b) तसेच मोटार वाहन कायदा कलम 184, 134/177 अंतर्गत गुन्हा नोंदवून तपास पोलीस उपनिरीक्षक पासलकर करत आहेत.

दोन ऑगस्ट रोजी रात्री साडेआठ वाजता गणेगाव-रांजणगाव रोडवर मस्के बिल्डिंगसमोर शतपावलीसाठी निघालेल्या राधा सुरेश बागल (65, रा. संकल्प सिटी, रांजणगाव) यांना भरधाव वेगाने आलेल्या अज्ञात वाहनाने पाठीमागून धडक दिली. यात त्यांचा जागीच मृत्यू झाला. यासंदर्भात 14 ऑगस्ट रोजी गुन्हा दाखल करण्यात आला.आरोपी चालक वाहनासह पळून गेला. या प्रकरणी सुनील बागल यांच्या फिर्यादीवरून रांजणगाव पोलिस ठाण्यात गुन्हा दाखल असून तपास पीएसआय चव्हाण करत आहेत.