शिरूर नगरपरिषद निवडणूक : मतदान केंद्रात मोबाईल, कॅमेरा नेण्यास परवानगी नाही

शिरूर {डेली न्यूज पोस्ट टीम -24} नगरपरिषद सार्वत्रिक निवडणुक २०२५ करिता निश्चित करण्यात आलेले मतदान केंद्रामध्ये मतदान केंद्राध्यक्ष वगळता कोणालाही मोबाईल फोन, कॅमेरा किंवा इतर उपकरणे वापरण्याची परवानगी राहणार नाही. सर्व मतदार व प्रतिनिधींनी आपले फोन मतदान केंद्राच्या बाहेर ठेवणे बंधनकारक असल्याची माहिती सहाय्यक निवडणुक अधिकारी मुख्याधिकारी प्रीतम पाटील यांनी दिली आहे.

त्यांनी सांगितले की मतदान केंद्रात फोटो काढणे, शुटिंग किंवा सोशल मिडियावर प्रसारित करणे सक्त मनाई आहे. नियमाचे उल्लंघन करणाऱ्यावर राज्य निवडणूक आयोगाच्या नियमानुसार गुन्हा दाखल करून कठोर कारवाई करण्यात येईल असा इशारा ही दिला आहे. मतदान प्रक्रिया शांततापूर्ण व पारदर्शक पद्धतीने होण्याकरिता सर्वांचे सहकार्य अपेक्षित असल्याचे पाटील म्हणाले.