शिरूर नगरपालिकेत भाजपा सर्वात मोठा पक्ष

शिरूर (डेली न्यूज पोस्ट टीम )शिरूर शहरात प्रथमच पक्षीय पातळीवर नगरपालिका निवडणूक झाल्याने राजकीय पक्षांच्या कार्यकर्त्या मध्ये मोठा जोश निर्माण झाला या निवडणुकीत भाजपा या पक्षाला सर्वाधिक  ११ जागा मिळाल्या.

 नगराध्यक्ष पदाचा निवडणुकीत राष्ट्रवादी काँग्रेस अजित पवार पक्षाच्या  ऐश्वर्या  पाचर्णे या नगराध्यक्ष म्हणून निवडणून आल्या तर प्रमुख विजयी उमेदवारा मध्ये भाजपाचे शहराध्यक्ष नितीन पाचरणे माजी नगराध्यक्ष रवींद्र ढोबळे संतोष थेऊरकर पूजा पोटावळे  सागर नरवडे, सुनील जाधव, मीतेश गादिया आदीचा समावेश आहे. तर प्रमुख पराभूत उमेदवारा

मध्ये  राष्ट्रवादी काँग्रेस शरद पवार पक्षाचे शहराध्यक्ष मुजफ्फर कुरेशी शिवसेना ठाकरे पक्षाचे संजय देशमुख, माजी नगरसेवक विनोद भालेराव रेशमा लोखंडे सुरेखा शितोळे मनीषा कालेवार, निलेश लटाबळे यांचा समावेश आहे. शहरातील काही प्रभागातील निवडणूका या अटीतटीच्या आणी हाय व्होल्टेज झाल्या . अनेक प्रभागात पक्षांची व नेत्यांची प्रतिष्ठा पणाला लागली होती..

प्रभाग क्रमांक एक अ मधील लढत लक्षवेधी ठरली आहे. याठिकाणी माजी  माजी नगरसेविका संगीता महेंद्र मल्लाव यांनी  राष्ट्रवादी कॉंग्रेस कडून निवडणूक लढवली. मल्लाव यांना मोठा राजकीय वारसा असून त्याचे पती कैलासवासी महेंद्र मल्लाव व सासरे हिरामण मल्लाव यानी माजी उपनगराध्यक्ष पद भूषविलेले आहे. त्यांची गेल्या अनेक वर्षापासून त्याच्या प्रभागावर पकड आहे. त्याच्या पुढे राष्ट्रवादी कॉंग्रेस (शरद पवार) पक्षाच्या वतीने नीलम गुलाब धाडीवाल या मैदानात उतरल्या होत्या. त्याचे वडील गुलाब धाडीवाल हे थेट जनतेतून झालेल्या नगराध्यक्ष पदाचा निवडणुकीत नगराध्यक्ष म्हणून निवडून आलेले होते. तर मातोश्री लत्ताबाई धाडीवाल या शहराच्या उपनगराध्यक्षा राहिल्या आहेत. तर बंधू सचिन धाडीवाल हे नगरपालिकेच्या मागील टर्म मध्ये नगरसेवक राहिलेले आहे. नीलम यांना मोठी राजकीय पार्श्वभूमी असून धाडीवाल परिवाराचा प्रभावी जनसंपर्क या नीलम धाडीवाल यांच्या जमेच्या बाजू होत्या. तर याच ठिकाणी भाजपाच्या वतीने संगीता वेताळ ही मैदानात होत्या.. धाडीवाल व मल्लाव यांची लढतीत   संगीता मल्लाव यांचा विजय झाला.

तर याच प्रभागातील ब मध्ये मागील टर्म मध्ये नगरसेवक राहिलेले निलेश गाडेकर राष्ट्रवादी कॉंग्रेस अजित पवार यांच्या वतीने मैदानात होते.. मागील निवडणुकीत गाडेकर हे जायंट किलर ठरले होते. शिरूर शहर विकास आघाडीच्या उमेदवाराचा पराभव करून ते विजयी झाले. यंदा त्याच्या समोर राष्ट्रवादी कॉंग्रेस शरद पवार पक्षाचे प्रीतेश कोठारी व भाजपाचे अनिल गायकवाड व अपक्ष उमेदवार रवी लेंडे यांचे आव्हान होते . याठिकाणी नीलेश गाडेकर  विजयी झाले.

प्रभाग क्रमांक २ अ मधून राष्ट्रवादी कॉंग्रेस अजित पवार यांच्या वतीने माजी नगरसेविका अंजली मयूर थोरात व राष्ट्रवादी कॉंग्रेस शरद पवार पक्षाच्या स्वप्ननाली योगेश जामदार यांच्यात थेट लढत झाली . या थेट लढतीत  जामदार  विजयी झाल्या.

तर प्रभाग २ ब मधून मागील टर्म ला नगरसेवक असलेले व राष्ट्रवादी कॉंग्रेस शरद पवार पक्षाचे शहराध्यक्ष मुजफ्फर कुरेशी व राष्ट्रवादी कॉंग्रेस अजित पवार पक्षाचे एजाज बागवान व भाजपचे वैष्णव खांडरे व अपक्ष उमेदवार संदीप कडेकर व पप्पू गव्हाणे यांच्यात लढत झाली. या लढतीत  बागवान   यांनी बाजी मारत कुरेशी यांच्या पराभव केला.

प्रभाग क्रमांक ३ अ मध्ये राष्ट्रवादी कॉंग्रेस शरद पवार पक्षाचे हाफिज बागवान,राष्ट्रवादी कॉंग्रेस अजित पवार पक्षाचे सुनील जाधव व भाजपचे माजी शहराध्यक्ष केशव लोखंडे, अपक्ष उमेदवार किरण बनकर व आदित्य मैड यांच्यात लढत झाली या लढतीत सुनील जाधव  बाजी मारली.

प्रभाग क्रमांक ३ ब मध्ये भाजपाच्या  शीतल जाधव, राष्ट्रवादी कॉंग्रेस अजित पवार च्या माजी नगरसेविका मनीषा कालेवार, राष्ट्रवादी कॉंग्रेस शरद पवार पक्षाच्या रेखा लुनिया, अपक्ष उमेदवार संगीता कोठारी, रोहिणी बनकर, आयेशा सय्यद यांच्यात लढत झाली. या लढतीत अपक्ष उमेदवार आयेशा सय्यद  विजयी झाल्या.

प्रभाग क्रमांक ४ अ मध्ये राष्ट्रवादी कॉंग्रेस शरद पवार पक्षाच्या डॉ.सुनीता पोटे, राष्ट्रवादी कॉंग्रेस अजित पवार पक्षाचे माजी नगरसेविका पूजा जाधव व भाजपच्या वैशाली प्रमोद गायकवाड व शिवसेनेच्या (शिंदे) सुवर्णा माळवे व अपक्ष उमेदवार सुप्रिया रोहिदास अवचिते यांच्यात लढत झाली . या लढतीत सुनीता पोटे  विजयी झाल्या.

प्रभाग क्रमांक ४ ब मध्ये भाजपाचे उमेदवार नितीन पाचर्णे हे पक्षाचे  शहराध्यक्ष व मागील टर्म मध्ये नगरसेवक राहिलेले आहेत. माजी आमदार बाबुराव पाचर्णे यांचे  ते पुतणे आहेत. त्याच्या समोर राष्ट्रवादी कॉंग्रेस शरद पवार पक्षाचे अमोल चव्हाण व राष्ट्रवादी कॉंग्रेसचे अर्शद शेख यांनी आव्हान उभे केले होते. त्त्याच बरोबर आम आदमी पक्षाचे अश्पाक बेग व अपक्ष उमेदवार महेंद्र बोरा हे निवडणूक रिंगणात होते. याठिकाणी  नितीन पाचर्णे  यांच्या विजय झाला.

प्रभाग क्रमांक ५ अ मध्ये कॉंग्रेस आय च्या वतीने प्रियंका विजय बंडगर या निवडणूक रिंगणात होत्या. त्याच्या समोर भाजपाचा सुनीता आनंद भुजबळ व राष्ट्रवादी कॉंग्रेस अजित पवार पक्षाच्या प्रणिता जोशी व अपक्ष उमेदवार लत्ता ससाणे या निवडणूक रिंगणात होत्या. याठिकाणी  सुनीता भुजबळ  विजयी झाल्या.

शिरूर शहरातील मोठी लढत म्हणून प्रभाग क्रमांक ५ ब मधील लढती कडे पाहिले जात आहे. या प्रभागात नाट्यमय घडामोडी घडल्या. उमेदवारी अर्ज मागे घेण्याचा दिवशी राष्ट्रवादी कॉंग्रेस शरद पवार पक्षाचे उमेदवार आशिष शिंदे यांनी उमेदवारी अर्ज मागे घेतला. तर राष्ट्रवादी कॉंग्रेसचे उमेदवार व माजी नगरसेवक अभिजित पाचर्णे यांनी ही उमेदवारी अर्ज मागे घेतल्याने येथे भाजपचे उमेदवार संतोष थेऊरकर व अपक्ष व राष्ट्रवादी कॉंग्रेसने पुरस्कृत केलेले माजी नगरसेवक निलेश लंटाबळे यांच्यात थेट लढत झाली . भाजप व राष्ट्रवादी कॉंग्रेस यांची प्रतिष्ठा याठिकाणी पणाला लागली होती . या लढतीत  संतोष  थेऊरकर   यांच्या विजय झाला.

प्रभाग क्रमांक ६ अ मध्ये भाजपाच्या माजी नगरसेविका सुनीता कुरुंदळे व शिवसेना(ठाकरे)च्या माजी नगरसेविका ज्योती लोखंडे व राष्ट्रवादी कॉंग्रेस अजित पवार पक्षाच्या रीता गुजर यांच्यात तिरंगी लढत झाली . या लढतीत   सुनीता कुरदळे यांनी बाजी मारली.

  प्रभाग क्रमांक ६ ब मध्ये भाजपचे गणेश पाचर्णे, राष्ट्रवादी कॉंग्रेस शरद पवार पक्षाचे योगीराज महाडिक व राष्ट्रवादी कॉंग्रेस अजित पवार पक्षाचे दिनेशकुमार मांडगे यांच्यात लक्षवेधी लढत झाली. या लढतीत  दिनेशकुमार मांडगे बाजी मारली.

प्रभाग क्रमांक ७ मध्ये ही मोठी चुरस पाहायला मिळाली. याठीकाणी भाजपाचे सागर नरवडे, राष्ट्रवादी कॉंग्रेस अजित पवार पक्षाचे अचल फलके व राष्ट्रवादी कॉंग्रेस शरद पवार पक्षाचे परशुराम मचाले यांची  लढत झाली. लढतीत  नरवडे यांनी विजय मिळविला.

प्रभाग क्रमांक ७ ब मध्ये दिवगंत माजी नगरसेवक राजेंद्र पोटावळे यांच्या स्नुषा पूजा पोटावळे या भाजपचा वतीने मैदानात होत्या. त्याच्या विरोधात राष्ट्रवादी कॉंग्रेस शरद पवार पक्षाच्या प्रियंका करंजुले व राष्ट्रवादी कॉग्रेस  अजित पवार पक्षाच्या माजी नगरसेविका सुरेखा शितोळे मैदानात होत्या.त्याखेरीज शिवसेना (शिंदे)च्या सुप्रिया साकोरे व अपक्ष उमेदवार अलका सकट अपक्ष म्हणून उभ्या होत्या. यात  पूजा पोटावळे

  यांनी बाजी मारली.

प्रभाग क्रमांक ८ अ मध्ये राष्ट्रवादी कॉंग्रेस शरद पवार पक्षाच्या चारुशीला कोळपकर, राष्ट्रवादी कॉंग्रेस अजित पवार पक्षाच्या पल्लवी शहा, भाजपच्या पूजा तुषार जांभळे व माजी नगराध्यक्ष राजेंद्र क्षीरसागर यांच्या कन्या अपक्ष उमेदवार अंकिता क्षीरसागर व अपक्ष उमेदवार माजी नगरसेविका ज्योती लोखंडे यांच्यात लढत झाली. या लढतीत चारुशीला कोळपकर  विजयी झाल्या.

प्रभाग क्रमांक ८ ब मध्ये ही चुरशीची लढत झाले.. राष्ट्रवादी कॉंग्रेस शरद पवार पक्षाचे मितेश गादिया  यांच्या समोर भाजपाचे केतन बोरा, मनसेचे जिल्हा उपाध्यक्ष व अपक्ष उमेदवारी अर्ज दाखल केलेले महिबूब सय्यद, प्रमोद जोशी, सुभाष जैन, सचिन साळवे, इंद्रजीत परदेशी व राष्ट्रवादी कॉंग्रेसचे प्रदीप बोरा यांचे आव्हान होते . या लढतीत  मितेश गादिया यांच्या विजय झाला.

प्रभाग क्रमांक ९ अ मधील लढत ही चुरशीची झाली. राष्ट्रवादी कॉंग्रेस शरद पवार पक्षाचे उमेदवार माजी नगराध्यक्ष रवींद्र ढोबळे व राष्ट्रवादी कॉंग्रेस अजित पवार पक्षाचे उमेदवार माजी नगरसेवक विनोद भालेराव व शिवसेना (शिंदे) चे विशाल जोगदंड व अपक्ष उमेदवार खंडू गगणे अशी चौरंगी लढत झाली. शहरातील ही लढत ही हायव्होल्टेज लढत होती. या लढतीत रविंद्र ढोबळे

यांनी बाजी मारली.

प्रभाग क्रमांक ९ ब मध्ये राष्ट्रवादी कॉंग्रेस अजित पवार पक्षाच्या सविता राजापुरे, राष्ट्रवादी कॉंग्रेस शरद पवार पक्षाच्या मधु शिशुपाल, भाजपाचा शारदा गव्हाणे,व अपक्ष उमेदवार मुमताज पठान यांच्यात लढत झाली. या लढतीत सविता राजापूरे     या निवडणून आल्या.

 प्रभाग क्रमांक १० अ मध्ये चौरंगी लढत झाली. माजी नगरसेविका माया गायकवाड या राष्ट्रवादी कॉंग्रेस शरद पवार पक्षाचा वतीने तर राष्ट्रवादी कॉंग्रेस अजित पवार पक्षाच्या वतीने स्वाती साठे व भाजपच्या वतीने माजी नगरसेविका रेश्मा लोखंडे व अपक्ष उमेदवार शशिकला लोंढे यांच्यात लढत झाली व त्यात स्वाती साठे  विजयी झाल्या.

प्रभाग क्रमांक १० ब मध्ये चुरशीची लढत झाली. महाविकास आघाडीच्या माध्यमातून शिवसेना ( ठाकरे ) चे शहरप्रमुख माजी नगरसेवक संजय देशमुख निवडणूक मैदानात होते. तर त्याच्या विरोधात राष्ट्रवादी कॉंग्रेस अजित पवार पक्षाचे पदाधिकारी रंजन झांबरे व भारतीय जनता पक्षाचा वतीने निलेश पवार व शिवसेनेच्या वतीने मोहिन काझी व मनसेचे पदाधिकारी स्वप्नील माळवे हे अपक्ष म्हणून मैदानात होते. शिवसेनेचे देशमुख यांच्या प्रचारासाठी आमदार सचिन अहिर या प्रभागात प्रचारासाठी येवून गेले होते. याठिकाणच्या लढतीत नीलेश पवार

यांचा विजय झाला.

प्रभाग क्रमांक ११ अ मधून राष्ट्रवादी कॉंग्रेस अजित पवार पक्षाच्या कुलजूप काळे , राष्ट्रवादी कॉंग्रेस शरद पवार पक्षाच्या वैष्णवी धुळे व भाजपाच्या स्वीटी शिंदे यांच्यात तिरंगी लढत झाली . या लढतीत स्वीटी शिंदे  विजयी झाल्या.

प्रभाग क्रमांक ११ ब मधून भाजपाचे अमित कर्डिले राष्ट्रवादी कॉंग्रेस अजित पवार पक्ष पुरस्कृत अपक्ष उमेदवार तुषार वेताळ व राष्ट्रवादी कॉंग्रेस शरद पवार पक्षाचे साजिद खान यांच्यात तिरंगी लढत झाली. या लढतीत  अमित कर्डीले    यांनी विजय मिळविला.

प्रभाग क्रमांक १२ अ मध्ये भाजपाचे उमेश शेळके , राष्ट्रवादी कॉंग्रेस अजित पवार पक्षाचे अविनाश घोगरे व राष्ट्रवादी कॉंग्रेस शरद पवार पक्षाचे अशोक कदम यांच्यात तिरंगी लढत झाली. यात उमेश शेळके  विजयी झाले.

प्रभाग क्रमांक १२ ब मध्ये भाजपाचा रिंकू राजेश जगताप, राष्ट्रवादी कॉंग्रेस अजित पवार पक्षाच्या कल्पना थोरात व राष्ट्रवादी कॉंग्रेस शरद पवार पक्षाच्या नंदा जाधव व अपक्ष उमेदवार प्रियंका धोत्रे अशी चौरंगी लढत झाली. त्यात रिंकू जगताप    या विजयी झाल्या.

नगराध्यक्ष पदाच्या निवडणुकीत या  राष्ट्रवादी कॉंग्रेस अजित पवार पक्षाच्या ऐश्वर्या पाचर्णे विजयी झाल्या.भाजपाचा सुवर्णा लोळगे, राष्ट्रवादी कॉंग्रेस शरद पवार पक्षाच्या अलका खांडरे, शिवसेनेच्या(शिंदे) रोहिणी बनकर व अपक्ष उमेदवार माजी नगराध्यक्षा वैशाली वाखारे यांच्या त्यांनी  पराभव केला.

 शिरूरच्या निवडणुकीमध्ये यंदा सर्वच प्रमुख राजकीय पक्षांचे उमेदवार उभे होते त्याचबरोबर अनेक प्रभागात लक्ष्मीचे दर्शन घडविण्यात आल्याने ही निवडणूक मोठी चुरशीची झाली.

 मोठ्या वेगाने विकसित होत असलेल्या  शिरूर शहराच्या विकासाचे शिवधनुष्य नवीन लोकप्रतिनिधींना पेलावे लागणार असून आगामी काळात शहरात कोणती नवीन विकासकामे होणार याकडे जनतेचे लक्ष लागले आहे.