धारदार शस्त्राने खून करणारे दोघे अटकेत

शिरूर {डेली न्यूज पोस्ट टीम, 24}सरदवाडी (ता. शिरूर) येथील आयएमव्ही कंपनीजवळ झालेल्या तरुणाच्या खूनप्रकरणी शिरूर पोलिसांनी अवघ्या काही तासांत दोन संशयितांना अटक केली आहे. संतोष बाळासो पवार (वय २४, रा. करडे, ता. शिरूर) असे मयताचे नाव आहे.

पोलीसांनी दिलेल्या माहितीनुसार, ११ फेब्रुवारी २०२६ रोजी रात्री सुमारे ११.१५ वाजण्याच्या सुमारास अज्ञात कारणावरून आरोपी नितीन उर्फ देवा उर्फ प्रविण सुरेश उर्फ सुरज चव्हाण (वय २५, रा. पिंपळगाव, ता. आंबेगाव) व गणेश तानाजी साळुंखे (वय १९, रा. निरगुडसर, ता. आंबेगाव) यांनी संतोष पवार यांच्यावर धारदार शस्त्राने हल्ला केला. छाती, हात व पाठीवर वार करून गंभीर जखमी केल्याने त्यांचा मृत्यू झाला.

या प्रकरणी मयताची पत्नी साधना संतोष पवार (वय २१) यांनी दिलेल्या फिर्यादीवरून शिरूर पोलीस ठाण्यात गुन्हा क्रमांक ११९/२०२६ भा.न्या.सं. कलम १०३, ३(५) अन्वये गुन्हा दाखल करण्यात आला आहे.

गुन्ह्याचा तपास करताना बातमीदार व साक्षीदारांच्या चौकशीच्या आधारे पोलिसांनी दोन्ही आरोपींना ताब्यात घेतले. त्यांना अटक करण्यात आली असून पुढील तपास सुरू आहे. या गुन्ह्याचा तपास पोलीस उपनिरीक्षक गोविंद खटींग करत आहेत.

ही कारवाई पोलीस अधीक्षक पुणे ग्रामीण संदिपसिंह गिल, अपर पोलीस अधीक्षक रमेश चोपडे, उपविभागीय पोलीस अधिकारी प्रशांत ढोले यांच्या मार्गदर्शनाखाली पोलीस निरीक्षक संदेश केंजळे यांच्या नेतृत्वाखालील पथकाने केली. तपास पथकात  पोसई गोविंद खटींग, सहाय्यकफौजदार गणेश देशमाने, पो.हवालदार बाळकृष्ण वाडेकर, नितीन सुद्रिक, बाळु भवर, विनोद मोरे, भरत खेंगट, अक्षय कळमकर, पो.कॉ. निरज पिसाळ, अर्जुन भालसिंग, नितेश थोरात, विकी राजेभोसले, भाऊसाहेब ठोसरे, सचिन भोई, राजु मांगडे, वैभव शेलार यांचा समावेश होता.