शिरुर दिनांक ( डेली न्यूज पोस्ट टीम -२४ )
गावठी हातभट्टी निर्मितीवर शिरूर पोलीसांची मोठी कारवाई करत १ लाख १३ हजार ७७५/- रू. किंमतीचा  माल जप्त करुन नष्ट केला .
याबाबत पोलीसांनी दिलेल्या माहितीनुसार पोलीस निरीक्षक  संदेश केंजळे यांना मिळालेल्या गोपनिय बातमीच्या आधारे पोलीस हवालदार  सुद्रिक, पोलीस हवालदार  सांगळे व पोलीस  हवालदार भवर यांनी कवठे यमाई  येथे अचानकपणे गावठी हातभ‌ट्टी निर्मितीवर छापा टाकला. या कारवाईत एकुण १,१३,७७५/- रू. किमतीचा माल ज्यामध्ये ३२००/- लिटर गावठी हातभ‌ट्टीचे कच्चे  व जळके रसायन, हातभट्‌ट्टीची दारू, केमीकलयुक्त ताडी व इतर साधने असा माल जप्त करून जागीन नष्ट केला आहे.

या प्रकरणी शिरूर पोलीस स्टेशन येथे  सागर गणपत गडगुळ रा . कवड़े येमाई , ता शिरूर, जि.पुणे याचे विरूध्द गुन्हा दाखल करण्यात आलेला आहे.
ही कारवाई पोलीस अधीक्षक  संदिपसिंह गिल, अप्पर  पोलीस अधीक्षक  रमेश चोपडे, उपविभागीय पोलीस अधिकारी  प्रशांत ढोले, पोलीस निरीक्षक  संदेश केंजळे याचे मार्गदर्शनाखाली

पोलीस हवालदार सुद्रिक, पोलीस हवालदार सांगळे व पोलीस हवालदार भवर यांनी केली .   गावठी हातभ‌ट्टी सारख्या अवैध कृत्यांमध्ये सहभागी असणा-यांनी त्वरित हे बेकायदेशीर उद्योग बंद करून काय‌द्याचा आदर करावा. अन्यथा पोलीस प्रशासन कठोर पावले उचलण्यास मागेपुढे पाहणार नाही असा इशारा पोलीस निरीक्षक संदेश केंजळे यांनी दिला आहे .