आर. एम. धारिवाल इंग्लिश मीडियम स्कूलचे २८वे वार्षिक स्नेहसंमेलन उत्साहात संपन्न

शिरूर { डेली न्यूज पोस्ट टीम 24}आर. एम. धारिवाल इंग्लिश मीडियम स्कूलचे २८वे वार्षिक स्नेहसंमेलन चांदमल ताराचंद बोरा महाविद्यालयाच्या प्रांगणात मोठ्या उत्साहात आणि जल्लोषात पार पडले.

या स्नेहसंमेलनात विद्यार्थ्यांनी सादर केलेल्या विविध सांस्कृतिक कार्यक्रमांनी उपस्थितांची मने जिंकली. मराठी संस्कृतीचे दर्शन घडवणारे विविध नृत्याविष्कारांचे सादरीकरण प्राथमिक व माध्यमिक विभागातील विद्यार्थ्यांनी केले. पूर्व-प्राथमिक विभागातील चिमुकल्या विद्यार्थ्यांनी केलेले नृत्य विशेष आकर्षण ठरले.

कार्यक्रमास शिरूर शिक्षण प्रसारक मंडळाचे अध्यक्ष धरमचंद फुलफगर, सचिव नंदकुमार निकम , संस्थेचे शिरीष बरमेचा राजेंद्र भटेवरा, चंदुलाल चोरडिया, शिरीष गदिया, प्रकाश बाफना, चांदमल ताराचंद बोरा कॉलेजचे उपप्राचार्य प्रा. हरिदास जाधव , संस्थेचे प्रशासकीय अधिकारी संजय देशपांडे, विद्याधाम प्राथमिक शाळेच्या मुख्याध्यापिका ज्योती मुळे, मुख्याध्यापक मारुती कदम, डेक्कन एज्युकेशन सोसायटीचे मुख्याध्यापक डॉ. समीर ओंकार, बालाजी शाळेचे मुख्याध्यापक विनायक म्हसवडे, साधना इंटरनॅशनल स्कूलच्या मुख्याध्यापिका अर्चनाकुमारी, ज्ञानगंगा शाळेच्या मुख्याध्यापिका सुनंदा लंघे, आदी मान्यवर उपस्थित होते.

यावेळी बोलताना अध्यक्ष धरमचंद फुलफगर व सचिव नंदकुमार निकम यांनी आर. एम. धारिवाल इंग्लिश मीडियम स्कूल ही परिसरातील जुनी व नावाजलेली शाळा असून विद्यार्थ्यांच्या सर्वांगीण विकासासाठी विविध उपक्रम सातत्याने राबवले जात असल्याचे सांगितले. प्रत्येक विद्यार्थी केवळ अभ्यासातच नव्हे तर कला, क्रीडा आणि सांस्कृतिक क्षेत्रातही चमकतो, असे त्यांनी नमूद केले.

शाळेच्या प्राचार्या  अश्विनी घारु यांनी वार्षिक स्नेहसंमेलन हे विद्यार्थ्यांच्या सर्वांगीण विकासाचा महत्त्वाचा भाग असून अशा कार्यक्रमांतून विद्यार्थ्यांचा आत्मविश्वास, सर्जनशीलता आणि व्यक्तिमत्त्व विकास घडतो, असे प्रतिपादन केले.संपूर्ण कार्यक्रम उत्साहपूर्ण वातावरणात पार पडला.सूत्रसंचालन अपर्णा वाळसे यांनी तर आभार सायली पटवर्धन यांनी मानले.