शिरुर   (  डेली न्यूज पोस्ट टीम -24 )अवैध गुटखा वाहतुकीवर पोलीसांनी धडक कारवाईत १ लाख ४४ हजार रुपये किंमतीचा मुद्देमाल जप्त करुन एका आरोपीस अटक केली आहे .
याबाबत पोलीसांनी दिलेल्या माहितीनुसार शिरूर पोलीस स्टेशन कार्यक्षेत्रात अवैध गुटखा व तंबाखूजन्य पदार्थाच्या साठा व विक्री विरूध्द कारवाई सत्र चालू असताना पोलीस हवालदार भवर यांना मिळालेल्या बातमीच्या आधारे पोलीस निरीक्षक संदेश केंजळे याच्या आदेशाने पोलीस हवालदार सुदिक, पोलीस हवालदार सांगळे , पोलीस हवालदार भवर यांनी शिरूर येथील न्हावरा फाटा येथे कानिफनाथ मंदिराजवळ ता. शिरूर, जि.पुणे येथे काळी पिवळया रंगाची पॅसेजर रिक्षा नं. एम.एन.१२ आर. पी. २६७२ या वर छापा कारवाई करून एकूण ४४,०००/- रू किंमतीचा हिरा पानमसाला गुटखा व रॉयल ७१७ कंपनी सुगंधित तंबाखु सह पॅसेंजर रिक्षा एक लाख रुपये किंमतीची असा एकूण १,४४,०००/- रु.किंमतीचा माल जप्त केला . या कारवाई मध्ये संगमनाथ नागनाथ कनजे रा. शिक्षक कॉलनी, रामलिंग रोड, शिरूर, ता. शिरूर, जि.पुणे व दिपक गुगळे रा. वनविभाग कार्यालया शेजारी, शिरूर, ता शिरूर, जि पुणे याचे विरुध्द शिरूर पोलीस स्टेशन येथे गुरनं ४०५/२०२५ मा.न्या.स. कलम १२३, २७४, २७५, २२३ सह अन्न व सुरक्षा मानके अधिनियम २००६ से कलम २६ (२) (i), २६ (२) (ii),२६ (२) (iv),२०(३) (d), ३०(२) (a) प्रमाणे गुन्हा दाखल करण्यात आलेला आहे. सगमनाथ कनजे यास अटक करण्यात आली असून दिपक गुगळे याचा शोध चालु आहे
ही कारवाई पोलीस अधीक्षक संदिपसिंह गिल (भा.पो.से.), अप्पर पोलीस अधीक्षक रमेश चोपडे, उपविभागीय पोलीस प्रशांत ढोले, पोलीस निरीक्षक पोलीस निरीक्षक संदेश केंजळे यांचे मार्गदर्शनाखाली करण्यात आली सदर गुन्हयाचा पुढील तपास पोलीस हवालदार सुद्रिक करीत आहेत.
अवैध गुटखा, सुगंधित तंबखू व आरोग्यास घातक पदार्थांची साठवणूक, वाहतुक व विक्री
करणा-यांविरूध्द अशाच प्रकरे कठोर कारवाई करण्यात येणार असून कोणीही लोभाला बळी पडुन अशाप्रकारे गैरकृत्य करू नये असे आवाहन पोलीस निरीक्षक संदेश केंजळे यांनी केले आहे .