चारचाकी वाहनाच्या शोरूमच्या वर्कशॉपमधून विविध वाहनांमधील तब्बल सात बॅटऱ्या अज्ञात चोरट्यांनी केल्या लंपास

शिरूर { डेली न्यूज पोस्ट टीम 24}: शहरातील बाबुरावनगर परिसरातील गंगानगर टाटा शोरूमच्या वर्कशॉपमधून विविध वाहनांमधील तब्बल सात बॅटऱ्या अज्ञात चोरट्यांनी लंपास केल्याची घटना उघडकीस आली आहे. या प्रकरणी शिरूर पोलीस ठाण्यात गुन्हा दाखल करण्यात आला असून, चोरीस गेलेल्या मुद्देमालाची किंमत २९ हजार ५०० रुपये इतकी आहे.

याबाबत गौरव प्रकाश बाफना (वय ३१, रा. कापड बाजार, शिरूर) यांनी फिर्याद दिली आहे. पोलिसांनी दिलेल्या माहितीनुसार, १४ मे रोजी सकाळी १० ते १७ मे रोजी सकाळी १० या कालावधीत बाबुरावनगर येथील गंगानगर टाटा शोरूम वर्कशॉपमध्ये उभी असलेल्या वाहनांमधील एक्साईड, टाटा ग्रीन व ईस्टमन कंपनीच्या बॅटऱ्या अज्ञात चोरट्यांनी चोरून नेल्या.

चोरीस गेलेल्या बॅटऱ्यांमध्ये एमएच १६ सीडी १३२२, एमएच १६ सीडी ७४०७, एमएच १२ जेएफ २१४३, एमएच १६ क्यू ४१३४, एमएच १२ पीक्यू १४०९, एमएच १६ सीसी २९५८ व एमएच १२ एनएक्स ३१५० या वाहनांतील बॅटऱ्यांचा समावेश आहे.

या प्रकरणी भारतीय न्याय संहितेच्या कलम ३०३ (३) अन्वये शिरूर पोलीस ठाण्यात गुन्हा दाखल करण्यात आला आहे. पोलीस हवालदार जगताप यांनी गुन्हा दाखल केला असून, सहाय्यक फौजदार साबळे अधिक तपास करीत आहेत. प्रभारी अधिकारी म्हणून पोलीस निरीक्षक संदेश केंजळे मार्गदर्शन करीत आहेत.