शिरूरमध्ये वाहतूक नियमांचे उल्लंघन करणाऱ्या वाहनांवर धडक कारवाई; २१ वाहनांवर दंड

शिरूर, दि. २९ (डेली न्यूज पोस्ट टीम- 24}) : शहरातील वाहतूक शिस्तीला आवर घालण्यासाठी पोलिसांनी राबवलेल्या विशेष मोहिमेत नियमभंग करणाऱ्या वाहनचालकांवर कठोर कारवाई करण्यात आली. काळ्या काचा, फॅन्सी नंबर प्लेट तसेच विना नंबर फिरणाऱ्या वाहनांविरोधात कारवाई करत एकूण २१ वाहनांवर दंडात्मक कारवाई करण्यात आली.
शिरूर पोलीस स्टेशन हद्दीत आज दिवसभर चाललेल्या या मोहिमेत एकूण ३१ हजार रुपयांचा दंड वसूल करण्यात आला. तसेच कारवाईदरम्यान वाहनांवरील काळ्या काचा व फॅन्सी नंबर प्लेट तत्काळ काढून टाकण्यात आल्या.
वाहतूक नियमांचे उल्लंघन करणाऱ्यांविरोधात अशी कारवाई यापुढेही सातत्याने सुरू राहणार असल्याचा इशारा पोलिसांकडून देण्यात आला आहे. नागरिकांनी नियमांचे पालन करून सुरक्षित व शिस्तबद्ध वाहतुकीस सहकार्य करावे, असे आवाहनही करण्यात आले आहे.